स्पष्टीकरण: साझाले ०७५/७६ को खर्च विवरण निर्वाचन आयोगमा समयमै बुझाएको छ।

स्पष्टीकरण: साझाले ०७५/७६ को खर्च विवरण निर्वाचन आयोगमा समयमै बुझाएको छ।

आज केही समयअघि अनलाईनखबर डट कममा प्रकाशित “७८ दलले बुझाएनन् खर्च विवरण, साझा पनि चुक्यो” शीर्षकको समाचारप्रति साझा पार्टीको गम्भीर ध्यानाकर्षण भएको छ।

साझा पार्टीले उक्त आर्थिक बर्ष ०७५/७६ को लेखा परिक्षण विवरण निर्धारित समयसिमाभित्रै आयाेगमा बुझाएर आफ्नो वेबसाइटमा पनि सो विवरण राखेको छ।

सो विवरण नबुझाएको भए राजनीतिक दल सम्बन्धि एेनकाे प्रावधान अनुसार साझा पार्टीले गत बर्ष मंसिरमा सम्पन्न उप-निर्वाचनमा भाग नै लिन पाउने थिएन। साझा पार्टीले उप-निर्वाचनमा भाग लिएकाे तथ्य विदित नै छ।

कसरी यस्तो समाचार प्रेषित भयो भनि हामीले निर्वाचन आयोगमा सम्पर्क गर्दा, आयाेगका सम्बन्धित अधिकारीले ‘सानो प्रशासनिक त्रुटी भएको’ स्वीकार गर्दै हाल साझा पार्टीकाे नाम आयाेगले साे विवरण समयमै बुझाउने दलकाे सूचीमा सूचीकृत गरिसकिएकाे स्पष्ट गर्नुभएकाे छ।

तसर्थ, गलत सन्देश दिने सो समाचारको शीर्षक र समाचार सच्याइदिन या यो स्पष्टीकरणलाई उक्त समाचार जत्तिकै महत्वका साथ प्रकाशन गरिदिन हामी अनुरोध गर्दछौँ।

कहिलेकाहिँ यस्ता गल्ती हुन्छन्। तर तिनले सम्वन्धित व्यक्ति वा संस्थाको छविमा आँच पुऱ्याउन सक्ने हुनाले सबै पक्षलाई यस्ता विषयमा संवेदनशील भइदिन हामी हार्दिक आग्रह गर्दछौँ।

शरदराज पाठक
सहप्रवक्ता, साझा पार्टी
मिति: ११ असोज २०७७

 

डा केसीलाई तुरून्तै सुविधासम्पन्न अस्पतालमा स्थानान्तरण गर

डा केसीलाई तुरून्तै सुविधासम्पन्न अस्पतालमा स्थानान्तरण गर

स्वास्थ्य शिक्षा तथा सेवामा हरेक नागरिकको समान पहुँचको सुनिश्चितताका लागि माग राख्दै डा. गोबिन्द केसीले जुम्लाको रानिचौरस्थित बाबिरामष्ट मन्दिर परिसरमा शुरु गरेको सत्याग्रहप्रति ऐक्यवद्धता जनाउन देशका विभिन्न ठाउँबाट आएको साझा पार्टीको बिशेष टोली अहिले सत्याग्रह स्थलमा छ।

यसअघिका अन्य सत्याग्रहमा धेरै दिनसम्म स्वस्थ देखिने डा केसीको स्वास्थ्य यो पटक सत्याग्रहको पाँचौ दिनमैँ ‍नाजुक बन्दै गएको चिकित्सकहरूले बताएका छन्। उनलाई तुरून्तै सुविधासम्पन्न अस्पतालमा स्थानान्तरण गर्नु पर्ने चिकित्सकहरूको सुझाव छ।

तसर्थ, डा केसीका जनमुखी माग र उनको स्वास्थ अवस्थाका बारे हामी सरकारको गम्भिर ध्यानाकर्षण गराउन चाहन्छौँ।

डा केसीले समतामूलक, भ्रष्टाचाररहित र न्यायपूर्ण समाजका लागि राखेका मागहरू आफूलाई समाजवादी भन्ने कम्युनिस्ट सरकारको आफ्नै एजेण्डा हुनु पर्ने हो। तर विडम्वनाको कुरा, सामान्य अवस्था होस् या अहिले कोभिड १९ को असामान्य अवस्था, सरकार भ्रष्टाचार, नातावाद र कृपावादमा मात्र होइन लोकतन्त्र र संविधानकै धज्जी उडाउने गरि चोर बाटोबाट नियुक्ति र मनोनयन गर्नमा व्यस्त छ।

यस्तो अवस्थामा डा केसीको स्वास्थ्य तलमाथि भयो भने त्यसले जनताको धैर्यको बाँध टुटाउने छ र त्यसको मूल्य सरकारका लागि भारी हुनेछ।

साझा पार्टी बिशेष टोली
जुम्ला
मिति: ०२ असोज २०७७

डाक्टर केसीलाई अस्पतालमा स्थानान्तरण गर्न माग राख्दै साझा पार्टीको विशेष टोली जुम्लामा

डाक्टर केसीलाई अस्पतालमा स्थानान्तरण गर्न माग राख्दै साझा पार्टीको विशेष टोली जुम्लामा

जुम्ला — चिकित्सा शिक्षामा सुधारको माग गर्दै जुम्लामा अनशन बसेका डाक्टर गोविन्द केसीको पाँचौ दिनमै स्वास्थ्य बिग्रदै गएको छ । उनको स्वास्थ्य अवस्था बिग्रदै गएको भन्दै सुविधा सम्पन्न अस्पतालमा स्थानान्तरण माग राख्दै साझा पार्टीको विशेष टोली जुम्ला पुगेको छ ।

स्वास्थ्य शिक्षा तथा सेवामा हरेक नागरिकको समान पहुँचको सुनिश्चितताका लागि माग राख्दै जुम्लाको रानिचौरस्थित बाविरामष्ट मन्दिर परिषरमा सुरु गरेको सत्याग्रहप्रति ऐक्यबद्धता जनाउन देशका विभिन्न ठाउँबाट साझा पार्टीको विशेष टोली जुम्ला पुगेको हो ।

यसअघिका सत्याग्रहमा धेरै दिनसम्म स्वस्थ देखिने डा.केसीको स्वास्थ्य यो पटक सत्याग्रहको पाँचौ दिनमै नाजुक बन्दै गएको चिकित्सहरुले बताएका छन् । उनलाई तुरुन्तै अस्पतालमा स्थानान्तरण गर्नु पर्ने चिकित्सकहरुले सुझाव दिएका छन् ।

कान्तिपुर

अनशनरत डा. केसीलाई सुविधायुक्त अस्पतालमा स्थानन्तरण गर्न साझा पार्टीको माग

अनशनरत डा. केसीलाई सुविधायुक्त अस्पतालमा स्थानन्तरण गर्न साझा पार्टीको माग

साझा पार्टीले जुम्लामा अनशनरत डा. गोविन्द केसीको स्वास्थ्य अवस्था गम्भीर बन्दै गएका कारण तत्काल सुविधा सम्पन्न अस्पतालमा स्थानान्तरण गर्न सरकारसँग माग गरेको छ ।

सत्याग्रह स्थल जुम्लाको रानीचौरस्थित बाबिरामष्ट मन्दिर परिसर पुगेको साझा पार्टीको टोलीले चिकित्सकहरूकै सुझाबको आधारमा सुविधा सम्पन्न अस्पतालमा स्थानन्तरण गर्न सुझाब दिएको बताएको छ ।

साझा पार्टीको बिशेष टोलीले शुक्रबार जारी गरेको विज्ञप्तिमा भनिएको छ, ‘डा. केसीका जनमुखी माग र उनको स्वास्थ अवस्थाका बारेमा सरकारको गम्भीर ध्यानाकर्षण गराउन चाहन्छौं ।’

‘डा. केसीले समतामूलक, भ्रष्टाचाररहित र न्यायपूर्ण समाजका लागि राखेका मागहरू आफूलाई समाजवादी भन्ने कम्युनिस्ट सरकारको आफ्नै एजेण्डा हुनु पर्ने हो । तर विडम्वनाको कुरा, सामान्य अवस्था होस् या अहिले कोभिड १९ को असामान्य अवस्था, सरकार भ्रष्टाचार, नातावाद र कृपावादमा मात्र होइन लोकतन्त्र र संविधानकै धज्जी उडाउने गरि चोर बाटोबाट नियुक्ति र मनोनयन गर्नमा व्यस्त छ,’ विज्ञप्तिमा उल्लेख छ ।

Onlinekhabar

वामदेवको मनोनयन विकृत लोकतन्त्रको घातक विडम्बना: साझा पार्टी

वामदेवको मनोनयन विकृत लोकतन्त्रको घातक विडम्बना: साझा पार्टी

साझा पार्टीले प्रतिनिधि सभा चुनावमा पराजित नेकपा उपाध्यक्ष वामदेव गौतमलाई राष्ट्रिय सभा सांसद बनाइएकोमा गम्भीर आपत्ती जनाएको छ।

शुक्रबार विज्ञप्ति जारी गर्दै उक्त पार्टीका सहप्रवक्ता शरदराज पाठकले राष्ट्रिय जीवनमा ख्यातिप्राप्त व्यक्ति तथा विषयगत विज्ञहरू मनोनयका लागि संविधानमा व्यवस्था गरिएको कोटामा चुनाव हारेका, आमरूपमा भ्रष्टाचारका गम्भीर आरोपहरू लागेका, गरिब जनताको नाममा ‘कम्युनिष्ट’ राजनीति गरेर आफ्नो जीवन आलिशान बनाएका गौतमलाई राष्ट्रिय सभामा लैजानु विकृत बनाइएको नेपालको लोकतन्त्रको घातक विडम्बना भएको बताएका छन्।

‘यो आम नागरिकको अपेक्षामाथिको ठाडो उपहास हो। लोकतन्त्रको मूल्यमान्यता र संविधानको भावनामाथिको निर्मम प्रहार हो। यसबाट भ्रष्ट, अनैतिक, अनुदार र तानाशाही उन्मुख सरकारले जनतालाई पुन: एक पटक “तिमी कराउँदै गर, हामीलाई केही फरक पर्दैन” भन्ने हठी सन्देश दिएको छ,’ विज्ञप्तिमा भनिएको छ,‘संविधानको संरक्षक राष्ट्रपतिले यस तथ्यमाथि आँखा चिम्लिएर राष्ट्रिय सभाको गरिमा थप खस्काउने कदमलाई ठाडै सदर गर्नु त्यत्तिकै विडम्वनापूर्ण विषय हो।’

संविधानको धारा ७८ को उपधारा ४ ले प्रतिनिधि सभाको निर्वाचनमा पराजित व्यक्तिलाई मन्त्री बन्न रोक लगाएको अवस्थामा चर्चामा रहेजस्तो अनेक छिद्र खोजेर गौतमलाई मन्त्रीमण्डलमा नलैजान साझा पार्टीले प्रधानमन्त्री केपी शर्मा ओलीलाई आग्रह गरेको छ।

‘नागरिकप्रतिको चरम वेवास्ताका कारण जनआक्रोश अत्यन्त चुलिएको समयमा नागरिकलाई झनै चिढ्याइए त्यसले मुलुकलाई अकल्पनीय राजनीतिक दुर्घटनाको बाटोमा लैजान सक्नेतर्फ हामी सरकारलाई समयमै सचेत गराउछौँ,’ विज्ञप्तिमा भनिएको छ।

गत चुनावमा बर्दिया-१ बाट पराजित भएका वामदेवले बिहीबार राष्ट्रिय सभा सदस्यको सवथ लिएका थिए।

सेतोपाटी

Gautam’s appointment as National Assembly member is a mockery of democracy: Sajha Party

Gautam’s appointment as National Assembly member is a mockery of democracy: Sajha Party

Sajha Party has strongly objected to the appointment of ruling Nepal Communist Party leader Bamdev Gautam as a National Assembly member.

Issuing a press release on Friday, the party said that Gautam’s entry into the Upper House of the federal parliament has truly undermined the people’s verdict.

“Gautam who has been living an elite’s life by practicing Communist politics in the name of the poor people of Nepal, has faced corruption charges, and lost to elections, has made a backdoor entry into the upper house even as only people of repute and expertise deserve to be nominated to the post in line with the constitution. This is, in fact, a dangerous irony of Nepal’s disfigured democracy,” Sajha Party said in the press release.

The ruling party is following a wrong practice by nominating those rejected by the people to parliament, the party observed. Arguing that Gautam’s appointment to the post of Upper House member is a mockery of democracy, the party said that it also seriously undermined the spirit of democratic values enshrined in the constitution.

“Gautam’s appointment has given the message that the government does not care what the people think about its authoritarian, corrupt and illiberal attitude it has shown in recent times through its own behaviors,” read the press release.

The party also raised questions on President Bidya Devi Bhandari’s decision to approve Gautam as a National Assembly member. “Being the patron of the Constitution, the President should have taken care of the integrity of the Upper House before endorsing Gautam’s appointment as an NA member,” the party said.

The Rabindra Mishra-led party also urged Prime Minister Oli not to induct Gautam as a minister in his Cabinet from the backdoor as Article 78 (4) of the Constitution bars people losing elections to the House of Representatives from becoming a minister.

Despite widespread criticism, President Bhandari appointed ruling NCP Vice Chairperson Gautam to the post of National Assembly member on Thursday.  Gautam was administered the oath of office and secrecy on Thursday afternoon.

 – MyRepublica

बामदेवलाई राष्ट्रिय सभामा लगिएकोप्रति साझाको आपत्ति, मन्त्री नबनाउन आग्रह

बामदेवलाई राष्ट्रिय सभामा लगिएकोप्रति साझाको आपत्ति, मन्त्री नबनाउन आग्रह

प्रतिनिधि सभाको गत निर्वाचनमा पराजित नेकपाका नेता वामदेव गौतमलाई राष्ट्रिय सभामा लगिएकोप्रति साझा पार्टीले आपत्ति जनाएको छ। राष्ट्रिय जीवनमा ख्यातिप्राप्त व्यक्ति तथा विषयगत विज्ञहरू मनोनयका लागि संविधानमा व्यवस्था गरिएको कोटामा चुनाव हारेका गौतमलाई राष्ट्रिय सभामा लैजानु विकृत बनाइएको नेपालको लोकतन्त्रको घातक विडम्बना भएको साझाले जनाएको छ।

पार्टिका सहप्रवक्ता शरदराज पाठकले शुक्रबार एक विज्ञप्ति जारी गर्दै गौतमलाई राष्ट्रिय सभामा लैजानु आम नागरिकको अपेक्षामाथिको ठाडो उपहास र लोकतन्त्रको मूल्यमान्यता र संविधानको भावनामाथिको निर्मम प्रहार भएको ठहर गरेको हो।

‘यसबाट भ्रष्ट, अनैतिक, अनुदार र तानाशाही उन्मुख सरकारले जनतालाई पुनः एक पटक ‘तिमी कराउँदै गर, हामीलाई केही फरक पर्दैन भन्ने हठी सन्देश दिएको छ।’ विज्ञप्तिमा भनिएको छ। ‍‘संविधानको संरक्षक राष्ट्रपतिले यस तथ्यमाथि आँखा चिम्लिएर राष्ट्रिय सभाको गरिमा थप खस्काउने कदमलाई ठाडै सदर गर्नु त्यत्तिकै विडम्वनापूर्ण विषय हो।’ साझा पार्टीले गौतमलाई मन्त्रिमण्डलमा नलैजान समेत प्रधानमन्त्री केपी शर्मा ओलीलाई आग्रह गरेको छ।

नागरिक दैनिक

गौतमको मनोनयन, विकृत लोकतन्त्रको घातक विडम्बना

गौतमको मनोनयन, विकृत लोकतन्त्रको घातक विडम्बना

प्रतिनिधि सभाको पछिल्लो निर्वाचनमा पराजित नेकपाका नेता वामदेव गौतमलाई राष्ट्रिय सभामा लगिएकोप्रति साझा पार्टी गम्भीर आपत्ति व्यक्त गर्दछ।

राष्ट्रिय जीवनमा ख्यातिप्राप्त व्यक्ति तथा विषयगत विज्ञहरू मनोनयका लागि संविधानमा व्यवस्था गरिएको कोटामा चुनाव हारेका, आमरूपमा भ्रष्टाचारका गम्भीर आरोपहरू लागेका, गरिब जनताको नाममा ‘कम्युनिष्ट’ राजनीति गरेर आफ्नो जीवन आलिशान बनाएका गौतमलाई राष्ट्रिय सभामा लैजानु विकृत बनाइएको नेपालको लोकतन्त्रको घातक विडम्बना हो।

यो आम नागरिकको अपेक्षामाथिको ठाडो उपहास हो। लोकतन्त्रको मूल्यमान्यता र संविधानको भावनामाथिको निर्मम प्रहार हो। यसबाट भ्रष्ट, अनैतिक, अनुदार र तानाशाही उन्मुख सरकारले जनतालाई पुन: एक पटक “तिमी कराउँदै गर, हामीलाई केही फरक पर्दैन” भन्ने हठी सन्देश दिएको छ।

‍संविधानको संरक्षक राष्ट्रपतिले यस तथ्यमाथि आँखा चिम्लिएर राष्ट्रिय सभाको गरिमा थप खस्काउने कदमलाई ठाडै सदर गर्नु त्यत्तिकै विडम्वनापूर्ण विषय हो।

संविधानको धारा ७८ को उपधारा ४ ले प्रतिनिधि सभाको निर्वाचनमा पराजित व्यक्तिलाई मन्त्री बन्न रोक लगाएको अवस्थामा चर्चामा रहेजस्तो अनेक छिद्र खोजेर गौतमलाई मन्त्रीमण्डलमा नलैजान साझा पार्टी प्रधानमन्त्री केपी शर्मा ओलीलाई आग्रह पनि गर्दछ।

नागरिकप्रतिको चरम वेवास्ताका कारण जनआक्रोश अत्यन्त चुलिएको समयमा नागरिकलाई झनै चिढ्याईए त्यसले मुलुकलाई अकल्पनीय राजनीतिक दुर्घटनाको बाटोमा लैजान सक्नेतर्फ हामी सरकारलाई समयमै सचेत गराउछौँ।

शरदराज पाठक
सहप्रवक्ता, साझा पार्टी
२ असोज २०७७

साझा पार्टीको प्रश्न- खान नपाएर नागरिकको बिचल्ली, सरकार कहाँ छ?

साझा पार्टीको प्रश्न- खान नपाएर नागरिकको बिचल्ली, सरकार कहाँ छ?

साझा पार्टीले दैनिक ज्यालादारी गरी हातमुख जोर्ने जनतालाई सरकारले राहत प्रदान गर्न नसकेको बताएको छ।

निम्न वर्गीय नागरिकहरूमा चुल्हो बाल्नै नसक्ने पीडादायी अवस्था देखिएको लामो समय भए पनि सरकारले राहत सहयोग नगरेको साझाको भनाइ छ।

पार्टीका सहप्रवक्ता शरदराज पाठकले शुक्रबार विज्ञप्ति निकालेर नियमित आयस्रोत बन्द भएका दैनिक ज्यालादारी गरेर छाक टार्नेहरू खान नपाएर मर्ने अवस्था सिर्जना भएको उल्लेख गरेका हुन्।

‘दैनिक ज्यालादारी गरेर साँझ बिहान छाक टार्नेहरूदेखि नियमित आयको स्रोत बन्द भएका निम्न मध्यम वर्गीय नागरिकहरूसम्म चुल्हो बाल्नै नसक्ने पीडादायी अवस्थाबाट गुज्रिएको लामो समय भइसक्यो। परिणामास्वरूप, कयौं नागरिक खान नपाएर मर्दैछन्, बिरामीहरू अस्पताल नपाएर मर्दैछन्। कोरोना संक्रमणले दिनप्रतिदिन भयावह रूप लिँदैछ,’ उनले भनेका छन्।

यस्तो अवस्थामा पनि सरकार कमिसन, ठेक्कापट्टा, शक्ति संघर्ष, राजनीतिक षडयन्त्र र चुनाव हारेकालाई राष्ट्रिय सभामा लैजाने प्रपञ्चमा व्यस्त रहको आरोप साझाको छ।

‘विपद्को घडीमा समेत जनतालाई राहत प्रदान गर्न मूलत: व्यक्ति र संस्थाहरू नै चाहिने हो भने स्थानीय सरकार केका लागि हो? ‘अब कोही भोकै बस्नु पर्दैन, गरिबीका कारण कोही भोकै मर्दैन” भन्ने प्रधानमन्त्री कसका लागि हुन्?,’ साझाको प्रश्न छ, ‘स्थानीय सरकार र अन्य सरकारी संयन्त्रलाई राहतका लागि निर्देशनमात्र दिएर पुग्दैन। खै उनीहरूले राहत पाएका? पाएका भए देशभरि कारूणीक दृष्यहरू किन देखिइरहेका छन्?’

साझा पार्टीले सम्भव भएका सबै सरकारी संयन्त्र परिचालन गरेर देशभरि देखिइरहेका कारूणीक अवस्थालाई तुरून्त सम्बोधन गर्न सरकारसँग माग गरेको हो।

साथै, यो कष्टकर घडीमा अनेक समस्या सहेर भोक र रोग पीडितहरूको सहयोगार्थ काम गरिरहेका सम्पूर्ण मनकारी व्यक्ति तथा संस्थाहरूप्रति साझाले आभार व्यक्त गरेको जनाएको छ।

‘ती व्यक्ति र संस्थाहरूलाई हर प्रकारका सम्भाव्य सहयोग गर्न हामी पार्टीका सदस्य, शुभेच्छुक लगायत सबैलाई हार्दिक अपील गर्दछौँ,’ पाठकले निकालेको विज्ञप्तिमा उल्लेख छ।

साभार: सेतोपाटी

साझा पार्टीको प्रश्न :  कोही भोकै पर्दैन भन्ने प्रधानमन्त्री कसका लागि हुन् ?

साझा पार्टीको प्रश्न : कोही भोकै पर्दैन भन्ने प्रधानमन्त्री कसका लागि हुन् ?

१९ भदौ, काठमाडौं । साझा पार्टीले सबै सरकारी संयन्त्र परिचालन गरेर साँझ विहान छाक टार्न नसक्नेहरुलाई राहत दिन सरकारलाई आग्रह गरेको छ ।

शुक्रबार विज्ञप्ति जारी गरी उक्त पार्टीले विपद्को घडीमा समेत जनतालाई राहत प्रदान गर्न मूलत: व्यक्ति र संस्थाहरू नै चाहिने हो भने स्थानीय सरकार केका लागि भनी प्रश्न गरेको छ ।

‘अब कोही भोकै बस्नु पर्दैन, गरिबीका कारण कोही भोकै मर्दैन” भन्ने प्रधानमन्त्री कसका लागि हुन् ? स्थानीय सरकार र अन्य सरकारी संयन्त्रलाई राहतका लागि निर्देशनमात्र दिएर पुग्दैन। खै उनीहरूले राहत पाएका? पाएका भए देशभरि कारूणिक दृष्यहरू किन देखिइरहेका छन्?’ साझा पार्टीले प्रश्न गरेको छ ।

दैनिक ज्यालादारी गरेर साँझ विहान छाक टार्नेहरूदेखि नियमित आयको स्रोत बन्द भएका निम्नमध्यम वर्गीय नागरिकमा कयौँ नागरिक खान नपाएका र कतिपय बिरामी अस्पताल नपाएर मर्ने अवस्था आएको पार्टीका सहप्रवक्ता शरदराज पाठकले विज्ञप्तिमा उल्लेख गरेका छन् ।

कष्टकर घडीमा अनेक समस्या सहेर भोक र रोग पीडितहरूको सहयोगार्थ काम गरिरहेका मनकारी व्यक्ति तथा संस्थाप्रति साझा पार्टीले आभार व्यक्त गरेको छ ।

साभार: onlinekhabar