संघीयता र धर्मनिरपेक्षतामा जनमतसंग्रह: साझा पार्टी

संघीयता र धर्मनिरपेक्षतामा जनमतसंग्रह: साझा पार्टी

महाधिवेशन ०७८ जेठमा

साझा पार्टीले संघीयता र धर्म निरपेक्षतामा जनमत संग्रह गर्नुपर्ने बताएको छ।

लुम्बिनीमा शनिबार सकिएको पार्टीको साझा राष्ट्रिय भेलापछि जारी घोषणा पत्रमा अबदेखि संघीयता र धर्मनिपरपेक्षतामा जनमत संग्रहको पक्षमा उभिने उल्लेख छ।

‘विवादित बन्दै गएको र दिर्घकालसम्म देशलाई असर गर्ने धर्मनिरपेक्षता र संघीयताबारे अब उप्रान्त हामी जनमत सङ्ग्रहको पक्षमा उभिनेछौँ,’ घोषणा पत्रमा भनिएको छ।

साझाले राष्ट्रिय महाधिवेशन मिति पनि घोषणा गरेको छि २०७८ जेठ १५ गतेदेखि १७ गतेसम्म महाधिवेशन गर्ने र त्यसअघि केन्द्रीय समिति पुर्नसंरचना गर्न साझाले जनाएको छ।

पार्टीलाई देशब्यापी बिस्तार गर्दै सुदृढ, सशक्त र फरक धारको शक्तिका रुपमा स्थापित गर्ने पनि साझाले उल्लेख गरेको हो।

‘२०४६ सालदेखि उच्च राजनीतिक र प्रशासनिक पदमा बहाल रहेका सबैको सम्पत्ति जाँचबुझ गरी अवैध सम्पत्ति सरकारीकरण गरी दोषीलाई कारबाही गर्न आमनागरिकहरूले पत्याएका व्यक्तित्व संलग्न उच्चस्तरीय छानबिन आयोग गठन गर्न निरन्तर दबाब दिन्छौँ,’ साझाले भनेको छ।

Source: Setopati

2